İspaniya millisinin və "Barselona"nın sabiq futbolçusu Xavi Ernandes koronavirusa yoluxub.
Milli.Az apasport.az-a istinadən bildirir ki, bunu hazırda Qətərin "Əl-Sədd" klubunun baş məşqçisi olan ispaniyalının özü açıqlayıb.
O, sosial şəbəkədəki paylaşımında testinin müsbət nəticələndiyini bildirib: "Koronavirus testimin nəticəsi müsbət oldu. Xoşbəxtlikdən tam qaydasındayam, amma protokola uyğun hərəkət edəcəyəm. Tam sağalana qədər karantində qalacağam. Hamını qucaqlayıram. Tezliklə futbol meydanlarında görüşənədək".
Milli.Az