ABŞ hakimiyyəti TikTok tətbiqini ölkə ərazisində əngəlləməyi planlaşdırır. Buna səbəb kimi tətbiqin istifadəçinin fərdi məlumatlarını Çin dövlət orqanlarına ötürə bilmə ehtimaldır.
Milli.Az ted.az-a istinadən bildirir ki, bu barədə Fox News-a müsahibəsində ABŞ dövlət katibi Mayk Pompeo bildirib.
Pompeo bildirib ki, Çin texnologiyası ölkənin milli təhlükəsizliyinə təhdid yarada bilər.
Bundan əlavə, Pompeo əlavə edib ki, ABŞ prezidenti Donald Tramp tezliklə bu mövzuda rəsmi açıqlama verəcək.
Fox News-un məlumatına görə, ABŞ-da təxminən 30 milyon, dünyada isə 700 milyondan çox TikTok istifadəçisi var.
Qeyd edək ki, bir müddət əvvəl TikTok sosial şəbəkəsi eyni səbəbə görə Hindistan ərazisində də bağlandı.
Milli.Az