Microsoft yeni antivirusunu istifadəyə verdi

30 İyun 2020 22:15

Microsoft smartfonlar üçün Defender antivirusunun ilkin versiyasını təqdim edib.

Milli.Az ted.az-a istinadən bildirir ki, yeni antivirus mobil tətbiqlərin təhlükəsizliyini yoxlayacaq.

Microsoft Defender antivirusu "Android" smartfonlar üçün açıq test çərçivəsində çalışacaq. 2020-ci ilin sonunadək antivirusun iOS versiyasının çıxarılacağı da gözlənilir.

Antivirusun əsas məqsədi fırıldaqçıların istifadəçilərin şifrlərini, bank kartlarının məlumatlarını və başqa vacib informasiyaları ələ keçirməsinin qarşısını almaq üçün fişinq hücumlarından müdafiədir.

Milli.Az