Göygöldə baş verən qəzada ölən şəxsin adı məlum olub.
Milli.Az APA-ya istinadən xəbər verir ki, "QAZ 24" markalı minik maşınının hasara çırpılması nəticəsində 1991-ci il təvəllüdlü Dürdanə Rəfi qızı Namazova dünyasını dəyişib.
Hadisə nəticəsində daha 4 nəfər - avtomobilin sürücüsü, 1988-ci il təvəllüdlü Goranboy sakini Elməddin Novruzov, onun sərnişinləri Gülnaz Namazova və daha iki qadın xəsarət alıb.
***
21:33
Göygöldə ölümlə nəticələnən ağır yol qəzası baş verib.
hadisə Gəncə-Toğana yolunun rayonun Aşıqlı kəndindən keçən hissəsində qeydə alınıb.
Hərəkətdə olan minik maşını idarəetmədən çıxaraq yol kənarına aşıb. Qəza zamanı bir nəfər ölüb, 4 nəfər xəsarət alıb. Hadisə yerinə DYP əməkdaşları və təcili tibbi yardım briqadası cəlb olunub.
Faktla bağlı araşdırma aparılır.
Milli.Az