"Nirvana" qrupunun lideri Kurt Kobeynin gitarası ABŞ-da keçirilən auksionların birində altı milyon dollara satılıb.
Milli.Az oxu.az-a istinadən bildirir ki, bu barədə auksion şirkətinin sosial media hesabında məlumat yerləşdirilib.
Auksiondan əvvəl alətin qiyməti təxminən bir-iki milyon dollar civarında qiymətləndirilirdi. Alətə onun orijinal keysi də əlavə edilib.
"Martin D-18E" modelli elektrogitarada Kurt 1993-cü ildə baş tutmuş konsertində, ölümündən təxminən beş ay əvvəl ifa edib.
Bundan əvvəlki qiymət rekordu "Pink Floyd" qrupunun liderlərindən biri Devid Gilmorun gitarasına aid olub. O, 3,95 milyon dollara satılmışdı.
Milli.Az