Quba rayonunda iki yük maşını toqquşub.
Milli.Az Trend-ə istinadən xəbər verir ki, hadisə rayonun Susay kəndində baş verib. Aydəmirov Samir Nadir oğlu idarə etdiyi "Tatra" markalı yük avtomobilini geriyə hərəkət etdirərkən arxa tərəfdə dayanan İmanov Səxavət Məmmədağa oğlunun idarə etdiyi "Tatra" markalı yük avtomobilinə çırparaq aşırıb.
Hadisə nəticəsində S.Aydəmirov, digər sürücü S.İmanov, həmçinin sərnişin Məmmədov İlkin Sədi oğlu ağır xəsarətlərlə xəstəxanaya yerləşdirilib. İ.Məmmədov xəstəxanada dünyasını dəyişib.
Faktla bağlı cinayət işi başlanıb.
Milli.Az