Milli Məclisin deputatı Sevil Mikayılova AzTV-nin "Hədəf" verilişində ölkəmizdə koronavirus infeksiyasının qarşısının alınması istiqamətində görülən işlərdən danışıb.
Milli.Az Trend-ə istinadən bildirir ki, S.Mikayılova bildirib ki, Azərbaycan dövləti koronavirus pandemiyasına çox ciddi reaksiya verdi və vaxtında bütün zəruri tədbirləri gördü.
Deputat vurğulayıb ki, Azərbaycan Prezidenti İlham Əliyevin bu istiqamətdəki fəaliyyəti dünyada nümunəvi olaraq dəyərləndirilir. Azərbaycan qabaqlayıcı tədbirləri sürətlə və çevik formada həyata keçirdi.
Onun sözlərinə görə, Azərbaycan nümunəsi göstərdi ki, güclü dövlət, güclü idarəçilik olarsa, pandemiyaya qalib gəlmək mümkündür.
Sözügedən verilişin videosunu diqqətinizə çatdırırq.
Milli.Az