Kontakt Home yeni loqosunu və "Sevindirir" sloqanını təqdim edib. Yenilənməyə əsas səbəb brendin bütün fəlsəfəsinin sevinc, dostluq və xoş əhval-ruhiyyə yaratmaq üzərində qurulduğunu, həmçinin fəaliyyətdə olduğu illər ərzində hər parametr üzrə bir üst səviyyəyə çıxdığını, məhsul və xidmət şəbəkəsini genişləndirdiyini çatdırmaqdır. Yeniliklər brend ideologiyasını daha aydın ifadə edir və əsas fokusunun müştəri məmnuniyyətinə yönəldiyini vurğulayır. Təbəssüm və xoş emosiya dolu bu loqonun məhz pandemiyanın insanların əhvalına mənfi təsir etdiyi bu ərəfədə təqdim olunması xüsusilə təqdirəlayiqdir.
Bəs yeni loqo nələri ifadə edir?
Kontakt Home mağazalar şəbəkəsinin PR meneceri Vəfa Rüstəmova yeni loqonun izahını belə verib:
Qeyd edək ki, yeni korporativ dizayn artıq bir neçə platformada tətbiq olunmağa başlayıb və tədricən brendin bütün xarici və daxili kommunikasiyalarında tətbiq olunacaq. Artıq "Xalqlar" və "Bakıxanov-2" mağazaları yenilənmiş stildə müştərilərin xidmətinə verilib. Şirkətdən həmçinin yaxın zamanda daha 2 mağazanın istifadəyə veriləcəyi bildirilib. Yeni mağazalar Bakı şəhəri, Ukrayna dairəsi yaxınlığında və Sumqayıt şəhəri 10-cu mikrorayon ünvanlarında açılacaq.
Kontakt hazırda dünyanın 30-dan çox aparıcı brendinin ölkəmizdəki rəsmi tərəfdaşı və distribyütorudur. Yaxın zamanda daha bir neçə nüfuzlu brend bu siyahıya əlavə olunacağını elan edib.