Noyabr ayından Çindən yayılmağa başlayan yeni növ koronavirusa yoluxanların sayı artmaqdadır.
Milli.Az xəbər verir ki, Ümumdünya Səhiyyə Təşkilatının bugünkü statistikasına əsasən indiyədək 6 milyon yarıma yaxın insanda bu virus aşkarlanıb.
Koronavirusdan sağalanların sayı 3 milyonu ötüb. 382481 nəfər Covid-19 virusu səbəbindən dünyasını dəyişib.
ABŞ koronavirusa yoluxma sayına görə siyahıda birinci yerdədir. Karantin rejiminin tətbiq olunmadığı Braziliya ikinci yerdə qərarlaşıb. Qonşu ölkələrdən Rusiya 3, Türkiyə 10, İran isə 11-ci yerdədir.
Koronavirusdan ən çox ölüm halları ABŞ, Birləşmiş Krallıq və Braziliyada baş verir.
Bəxtiyar Umarlı
Milli.Az