Azərbaycanda koronavirusa yoluxanlar arasında HAMİLƏ QADINLAR VAR - RƏSMİ

22 May 2020 18:23

Azərbaycanda koronavirusa yoluxanlar arasında hamilə qadınlar var.

Milli.Az xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın bu gün keçirilən brifinqində açıqlayıb.

O, nə hamilə qadınların nə də bətnlərindəki körpələrin həyati təhlükədə olmadıqlarını bildirib:

"İndiyə qədər COVİD-19 virusu aşkar etdiyimiz xəstələr arasında hamilə qadınlarımız da olub. Bir sıra riskli hamiləliyi olanlar da olub. Süni mayalanma ilə hamilə qalanlar arasında da yoluxanlar olub. Belə pasientlərimiz olub, onlara kifayət qədər peşəkar mütəxəssislərimiz tərəfindən yardım göstərilib. Bu günədək də COVİD-19 ilə əlaqəli hər hansı bir ağırlaşma istər anaların, istərsə də hamilə qadınlarda hər hansı bir bətn daxili patologiyanın aşkar olunması baş verməyib".

Təhməz Təkin
Milli.Az