“Volkswagen” mindən çox avtomobilini geri çağırıb

21 May 2020 12:30

"Volkswagen" şirkəti Rusiyada 1 099 avtomobili geri çağırıb.

Milli.Az Trend-ə istinadən xəbər verir ki, qərara transmissiya yağlarının sızması səbəb olub.

Qeyd olunur ki, transmissiya yağı dəstəyində qüsurlara görə sızma baş verə bilər.

Geri çağırılma qərarı 2019-ci ildə istehsal olunan "Volkswagen Touareg" modellərinə şamil olunub.

Həmin avtomobillərdə zərurət yaranacağı təqdirdə detallar ödənişsiz dəyişdiriləcək.

Milli.Az