Əməkdar artist Elnur Zeynalovun Baş Dövlət Yol Patrul Xidməti Alayının 9-cu tağımının baş inspektoru olduğu barədə xəbərə DİN-dən reaksiya gecikməyib.
Məsələ ilə bağlı Baş Dövlət Yol Polisi İdarəsinin mətbuat xidmətinin rəhbəri Kamran Əliyev Milli.Az-a açıqlama verib.
DYP rəsmisi tağım komandirinin həqiqətən də Elnur Zeynalov olduğunu, lakin xanəndə olmadığını bildirib:
"Baş Dövlət Yol Polisi İdarəsinin Yol Patrulu Xidməti Alayının 9-cu tağımının komandiri vəzifəsində həqiqətən də Elnur Zeynalov xidmət aparır, komandiri Elnur Zeynalovdur. Lakin həmin Elnur Zeynalov müğənni deyil. Bu yanlış informasiyadır".
Təhməz Təkin
Milli.Az