Konor Makqreqor Tvitter-dəki paylaşımında Həbib Nurməhəmmədovun ayaq qucaqlamaqla məşğul olduğunu vurğulamışdı.
Milli.Az fanat.az-a istinadən xəbər verir ki, Həbibin Tvitter vasitəsilə Konora cavabı gecikməyib. Rus idmançı irlandiyalıya aralarındakı döyüşü xatırladıb:
"Ayaq qucaqlamaq? Deyəsən, səni nokdauna saldığımı unutmusan. Bəlkə, sərxoş halda tvit atırsan?
Zərbələrimlə səni əzişdirmişdim. Güləşdə, əlbəyaxada səni tamamilə məhv etdim. Sonda təslim oldun. Son olaraq, öz dediklərini unutma: bu, sadəcə, biznesdi".
Qeyd edək ki, 2018-ci ildə keçirilən döyüşdə Həbib Konoru məğlub etmişdi.
Milli.Az