FİFA-nın səhiyyə komitəsinin rəhbəri Mişel D'Oqe futbol çempionatları bərpa olunduqdan sonra yeni bir qaydanın tətbiq edilməsini təklif edib.
Milli.Az qol.az-a istinadən xəbər verir ki, o, "The Telegraph"a açıqlamasında bundan sonra futbolçuların meydana tüpürməsinin qadağan edilməli olduğunu bildirib. O, koronavirus pandemiyasına qarşı mübarizədə bu qadağanın vacib olduğunu deyib:
"Bu, heç gigiyenik deyil. Oyunlar başalayanda bundan qorunmalıyıq. Məncə, belə oyunçuları sarı vərəqə göstərməklə bu vərdişdən çəkindirmək olar. Çünki koronavirus hava-damcı yolu ilə keçir. Təkcə bu fakt matçları bərpa etmədən öncə hər məqama nə dərəcədə diqqət yetirməli olduğumuzu göstərir".
Milli.Az