Dialoqlar uzundur. Hadisələr bəsitdir. Bütün hadisələr bir evdə, mətbəxdə, yataq otağında, həyətdə, maşında baş verir. Bunun da səbəbini bilirəm. Büdcə və vaxt azlığıdır. Gündəlik serialın texnikası budur.
Milli.Az axşam.az-a istinadən bildirir ki, bu sözləri "MTV"yə müsahibəsində rejissor Kənan M.M. seriallardakı çatışmazlıqlar haqda danışarkən deyib.
O, ekran işlərinə eyni simaların çəkilməsindən danışıb:
"Əgər hər dəfəsində fərqli görünə bilirsə, bu, təkrar deyil. Ümumiyyətlə, pis aktyor, aktrisa anlayışı yoxdur. Pis rejissor var".
Uzun müddətdir klip çəkməyən Kənan sənət adamlarından söz açıb:
"Balaca vaxtı klip çəkirdim. O, bizim üçün bir tramplin idi, atladıq. Sənət İnstaqram-dan ibarət olduğu üçün o şeylərə artıq ehtiyac qalmayıb. Bir gün Azərbaycanda İnstaqram və "YouTube" bağlansa, biz o zaman çox məşhurların heç kim olduğunu anlayacağıq".
Milli.Az