Avstraliyanın Kvinslend Texnologiya Universitetinin mühəndisləri koronavirusla mübarizə məqsədilə nanosellüloza yaradıblar.
Milli.Az ted.az-a istinadən bildirir ki, mütəxəssislər iddia edirlər ki, bu material qoruyucu maska və filtrlərin istehsalı üçün mükəmməl vasitədir.
Yeni nanosellüloza adi materiallarla müqayisədə 100 nanometrdən kiçik ölçüyə malik hissəcikləri özündə saxlayır və koronavirusa qarşı tamamilə effektivdir. Bununla yanaşı, o, nəfəs almanı çətinləşdirmir. Bu isə respirator xəstəlikləri olan insanlar üçün xüsusilə aktualdır.
Layihənin iştirakçılarından Tomas Reyni bildirib ki, material virus ölçüsündə nanozərrəcikləri bazarda olan yüksək keyfiyyətli maskalar ilə müqayisədə daha effektiv saxlayır.
Hazırda mütəxəssislər istehsalla məşğul ola biləcək partnyorlar axtarışındadırlar.
Milli.Az