Tanınmış xanəndə, əməkdar artist Elnur Zeynalov xüsusi karantin rejimini pozanlara sərt ismarıcı ilə diqqət çəkib.
Milli.Az xəbər verir ki, xanəndə sosial şəbəkə hesabından Qarabağdan olan məcburi köçkünlərin 1990-cı illərdəki qaçqınlıq həyatını əks etdirən acınacaqlı vəziyyətlə bağlı görüntü paylaşıb.
Elnur paylaşımına "Cəmi 15 gün karantində qala bilməyənlər görüb utansınlar, ağlayırdılar. Bəs 1 milyon insan qocası, körpəsi ilə çadırlarda necə yaşayırdılar?!" şərhini yazıb.
Xatırladaq ki, aprelin 5-də koronavirus (COVİD-19) infeksiyasının yayılmasının qarşısının alınması məqsədilə tətbiq edilən xüsusi karantin rejimi çərçivəsində ölkədə hərəkət məhdudiyyətləri tətbiq olunub.
Məhəmməd Vaqif
Milli.Az