Bu gün daha 4 rayonun sakinlərinə pensiya veriləcək

10 Aprel 2020 09:47

Bu gün paytaxtın 4 rayonu üzrə pensiya ödənişləri həyata keçiriləcək. 

Milli.Az qafqazinfo-ya istinadən xəbər verir ki, Xəzər, Pirallahı, Sabunçu və Suraxanı rayonları bu gün pensiya ala biləcək.

Covid-19 pandemiyası ilə əlaqədar yaşı 65 və daha yuxarı olan şəxslərin evdən çıxması qadağan olunub. Bu səbəbdən, həmin yaş qruplarında olan şəxslərə bank kartlarına köçürülmüş vəsaitlərini ailə üzvlərinin və ya 142 - Çağrı Mərkəzinə müraciət etməklə sosial xidmətçilərin yardımı ilə, tənha ahıllara isə bank kartına köçürülmüş sosial ödənişini sosial xidmətçinin yardımı ilə əldə etməsi tövsiyə olunur.

Eyni zamanda, bildirilir ki, xüsusi karantin rejimi müddətində pensiya, müavinət, təqaüd, kompensasiya, ünvanlı yardım kimi sosial ödənişlərinizi istənilən bankın bankomatından, eləcə də Azərpoçtun istənilən bankomat və ya posterminallarından hər hansı əlavə faiz tutulmadan əldə edə bilərsiniz.

Milli.Az