Cənubi Koreyada yeni növ koronavirusa (COVİD-19) daha 86 nəfər yoluxub.
Trend-in "TASS"a istinadən verdiyi məlumata görə, ölkə ərazisində koronavirusa yoluxanların ümumi sayı 10 062 nəfərə çatıb.
Məlumata əsasən, ötən sutka ərzində koronavirusdan 5 nəfər dünyasını dəyişib, ölənlərin ümumi sayı 174 nəfərə çatıb. Ölənlərin əksəriyyəti 80 yaşdan yuxarı şəxslərdir.
Ölkənin paytaxtı Seulda, Könqido və İnçhon əyalətlərində 42, Tequ şəhərində və ətraf rayonlardan 14 yoluxma halı qeydə alınıb. Yoluxma hallarından 22-si isə ölkəyə xaricdən gəlmiş vətəndaşlarda aşkarlanıb.
Milli.Az