Kikboks üzrə 6 qat dünya çempionu Pərviz Abdullayev "Survivor"un dünənki buraxlışında mükafat olaraq ailə üzvlərinin şəkillərini görəcəkləri yarışda yüksək performansı ilə adından söz etdirib.
Milli.Az xəbər verir ki, həmyerlimiz dünyanın ən çətin yarışlarından hesab edilən "Survivor"da komandasının 10 mümkün xalından maksimum nəticə göstərərək 3-ünü toplamağı bacarıb. "İletişim" oyununda rəqibini məğlub etməyi bacaran "Məşhurlar" komandası mükafata qovuşduqları zaman gözyaşlarını saxlaya bilməyiblər.
Pərviz Abdullayevin övladlarının şəkillərini görərkən verdiyi reaksiya isə hər kəsi duyğulandırıb. Dünya çempionu oğlanları Yusif və Oğuzxanı monitorda görüncə hönkür-hönkür ağlayıb. Həmin kadrlar "Survivor"ın dünənki buraxlışına damğa vurub.
P.S. həmin kadrları izləmək üçün videoya 05:27-dən baxa bilərsiniz.
Məhəmməd Vaqif
Milli.Az