İdlibdə Türkiyə ordusunun "Bahar qalxanı" əməliyyatı apardığı bölgədə gərginlik yaşanıb.
Milli.Az oxu.az-a istinadən xəbər verir ki, Türkiyə Silahlı Qüvvələrinə məxsus F-16 təyyarələri həyəcan siqnalı ilə havaya qaldırılıb.
Türkiyə təyyarələrinin havaya qaldırılmasına səbəb isə Rusiyaya məxsus döyüş təyyarələrinin "Bahar qalxanı" əməliyyatının aparıldığı bölgəyə yaxınlaşması olub.
Havaya qaldırılan Türkiyə Silahlı Qüvvələrinə məxsus F-16 qırıcıları komandanlığın əmri əsasında Suriya sərhədi boyu bir müddət uçuş həyata keçirib.
Rusiyaya məxsus döyüş təyyarələrinin əməliyyat bölgəsindən uzaqlaşmasından sonra gərginlik sona çatıb.
Milli.Az