Yunanıstan polisi ölkə sərhədini qeyri-qanuni keçmək istəyən miqrantları uzaqlaşdırmaq üçün mavi rəngli boyadan istifadə edirlər. Milli.Az AZƏRTAC-a istinadən bildirir ki, artıq dördüncü gündür ki, Evros bölgəsində vəziyyət gərgindir. Miqrantlar sərhədi keçməyə can atır, yunan mühafizə orqanları isə onlardan kimyəvi vasitələrlə qorunurlar. Mavi rəngli boya sərhədi qeyri-qanuni keçmək istəyən miqrantların tezliklə müəyyənləşdirilməsi məqsədilə onların üzərinə səpilir.
Türkiyənin qaçqınların Avropaya keçmələrinə mane olmayacağını elan edəndən sonra minlərlə miqrant Yunanıstan ilə sərhədə üz tutub.
Milli.Az