Müəllimlər cinsi əlaqə qarşılığında qızlara yüksək qiymət yazırlarmış - Universitetdə qalmaqal - FOTO

20 Fevral 2020 16:15

Universitetin iki professoru cinsi əlaqə qarşılığında tələbələrinə yüksək ballar yazırmış.

Milli.Az BBC Türk-ə istinadla xəbər verir ki, olay Qana Universitetində yaşanıb.

Qana universitetinin iki professoru Ransford Gyampo və Paul Butakor vəzifəsindən kənarlaşdırılıblar. Lakin yerli sakinlər həmin professorların vəzifədən uzaqlaşdırılmasını ədalətsiz hesab edirlər. Onlar professorların həbs edilməsini istəyirlər.

Qeyd edək ki, universitet tələbələrinin şikayətini araşdırmağa gələn jurnalistlər sayəsində olayın üstü açılıb. Müəllimlərin əxlaqsızlıqları ilə bağlı araşdırmalar aparan iki müxbir özlərini tələbə kimi təqdim ediblər. Müəllimlər isə bunu hiss etmədən onlara yüksək bal qarşılığında intim təkliflər ediblər.

İsmayıl
Milli.Az