Bakı sakinini küçədə tanımadığı şəxs ürəyindən bıçaqladı

17 Fevral 2020 17:49

Bakı sakini küçədə tanımadığı şəxs tərəfindən bıçaqlandı.

Milli.Az Trend-ə istinadən xəbər verir ki, hadisə paytaxtın Binəqədi rayonu, Biləcəri qəsəbəsində baş verib. Biləcəri qəsəbə sakini Abasquliyev Rafiq Məhərrəm oğlu küçədə münaqişə zəminində naməlum şəxs tərəfindən sol döş qəfəsindən bıçaqlanıb. Yaralı təcili xəstəxanaya çatdırılaraq əməliyyat olunub.

Faktla bağlı Binəqədi rayon Prokurorluğunda Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb.

Milli.Az