Özünə səhvən koronavirus diaqnozu qoydu və intihar etdi

13 Fevral 2020 17:20

Hindistanın Andhra Pradeş ştatında 50 yaşlı fermer özündə səhvən koronavirus əlamətləri aşkar etdikdən sonra intihar edib.

Milli.Az Trend-ə istinadən xəbər verir ki, fermer son günlər koronavirusun yayılması barədə çoxlu videolara baxıb.

Bala Krişna adlı fermer özündə soyuqdəymə simptomları aşkar etdikdən sonra bunun koronavirusdan qaynaqlandığını hesab edib və ailə üzvlərini ona yaxın durmamağı tapşırıb.

Bir neçə günlük təcriddən sonra fermer yerli qəbiristanlıqda intihar edib.

Milli.Az