Azərbaycanda parlament seçkilərində yerli müşahidəçilərin sayı səsvermənin şəffaflığını təsdiq edir.
Milli.Az Trend-ə istinadən bildirir ki, bunu Şanxay Əməkdaşlıq Təşkilatından müşahidə missiyasının rəhbəri Şerali Cononov deyib.
O qeyd edib ki, seçkilərə hazırlıq səviyyəsi heyranlıq doğurur:
"Seçkilərin beynəlxalq standartlara və Azərbaycan qanunvericiliyinə uyğun keçirilməsi üçün bütün şərait yaradılmışdı. Seçkilərin bu səviyyədə keçirilməsi Azərbaycan qanunvericiliyinin səmərəliliyinin göstəricisidir".
Qeyd edәk ki, fevralın 9-da Azәrbaycanda növbәdәnkәnar parlament seçkilәri keçirilib. Seçkilərdə 1314 nəfər namizəd iştirak edib.
Səsvermə hüququna malik 5 212 902 nəfər seçicidən 2 547 982 seçici səs verib. Seçici fəallığı 47.81 faiz təşkil edib.
Ən aktiv seçki dairəsi 1 saylı Şərur-Sədərək Seçki Dairəsi olub ki, burada seçici fəallığı 76,1 faiz (37 min 970 seçicidən 29 419 nəfər), ən passiv dairə olan 17 saylı Yasamal 3-cü Seçki Dairəsində isə seçici fəallığı 17,84 faiz (30 min 534 seçicidən 5 min 447 nəfər) təşkil edib.
Seçkilərin gedişini 883 beynəlxalq və 77 790 yerli müşahidəçi izləyib. Yerli müşahidəçilərdən 35 152-i siyasi partiyaların müşahidəçiləri olub. Beynəlxalq müşahidəçilər 58 ölkəni və 59 təşkilatı təmsil edib.
Milli.Az