"Dinamo Zagreb"in hücumameylli yarımmüdafiəçisi Daniel Olmo bundan sonra "Leipzig"in uğurları üçün çalışacaq.
Milli.Az goal.az-a istinadən xəbər verir ki, Almaniya klubu İspaniya millisinə yenicə dəvət alan 22 yaşlı futbolçu ilə rəsmi müqavilə bağlayıb.
Yeni klubunda 25 nömrəli futbolkada çıxış edəcək Olmonun "öküzlər"lə müqaviləsi 2024-cü ilə qədər nəzərdə tutulub. Pireneylinin keçidi almanlara bonusla birlikdə 35 milyon avroya başa gəlib.
Olmo İspaniya nəhəngi "Barselona"nın yetirməsi olsa da, Kataloniya klubunda 1 görüş keçirməyib.
Milli.Az