ARB TV-nin "Show News" verilişinin növbəti müsahibi meyxanaçı Tərlan Novxanı olub.
Milli.Az xəbər verir ki, həmkarlarından dəstək görmədiyini deyən meyxanaçı ad çəkməkdən də çəkinmədi:
"Meyxanaçı həmkarlar var ki, məşhur olmadığım zamanlarda məni tanıyırdılar, amma heç biri mənə dəstək olmayıb. Uğuruna sevinirik deyirlər. Sevinirsənsə, bir iş gör. Bu gün ayaq üstəyəm, artıq ehtiyac yoxdur, məni yerdə olanda qaldırmaq lazım idi. Namiq Qaraçuxurlu ilə əlaqəmiz olmayıb. Pərviz Bülbülə ilə tanışlığımız olub. Amma mənə heç bir dəstək olmayıblar. Şou-biznes aləmindən Ədalət Şükürov, Kamil Zeynallı, Ayan Babakişiyevadan böyük dəstək görmüşəm. Meyxanaçılardan isə Mehman Əhmədli, Aqşin Fateh dəstək olub. Özbəkistandakı konsertimi meyxanaçı həmkarlarım paylaşıb mənə dəstək olmalı, təbrik etməli idilər. Heç biri bunu etmədi. Məndən sonra orada konsert verlənlər də oldu. Amma hər şeyin ilki başqadır".
Milli.Az