İtaliyada parlamentin üzvlərinin sayının azaldılması ilə bağlı referendum keçiriləcək.
Milli.Az AZƏRTAC-a istinadən bildirir ki, İtaliya Ali Məhkəməsi yanvarın 23-də konstitusiyaya müvafiq dəyişikliyin edilməsini ratifikasiya edəcək referendumun keçirilməsinə göstəriş verib. Referendum 29 mart - 31 may tarixləri arasında keçiriləcək.
Parlamentdəki mandatların sayının azaldılması barədə qərar hələ ötən ilin oktyabrında dörd oxunuşdan sonra verilmişdi. Referendum müsbət nəticə verərsə, deputatların sayı 630-dan 400-ə, senatorların sayı isə 315-dən 200-ə endiriləcək.
Milli.Az