Deputatlığa namizədlər seçkiqabağı təşviqat başlamazdan əvvəl sosial şəbəkələrdə təşviqat aparmamalıdır.
Milli.Az Trend-ə istinadən xəbər verir ki, bunu Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında deyib.
M.Pəhanov bildirib ki, sosial şəbəkələr bugünkü həyatımızı əhatə edib: "Lakin namizədlər təşviqat məsələsində qanunvericiliyə əməl eməlidir. Seçkiqabağı təşviqat yanvarın 17-dən başlayır. Ondan qabaq təşviqat aparmaq Seçki Məcəlləsinə ziddir".
Qeyd edək ki, fevralın 9-da Azərbaycan Milli Məclisinə növbədənkənar seçkilər keçiriləcək.
Milli.Az