Bakının Səbail rayonunda yol-nəqliyyat hadisəsi zamanı yaşlı qadın xəsarət alıb.
Milli.Az APA-ya istinadən xəbər verir ki, qəza Dövlət Bayrağı Meydanının yaxınlığında baş verib.
99-TZ-948 dövlət qeydiyyat nişanlı "Mercedes" markalı minik avtomobili yolu keçmək istəyən 1961-ci il təvəllüdlü Nəzərova Nəzifə Məhərrəm qızını vurub.
Yaralı 1 saylı şəhər xəstəxanasına yerləşdirilib. Ona boyunun əzilmiş yarası diaqnozu qoyulub.
Faktla bağlı Səbail Rayon Polis İdarəsində araşdırma aparılır.
Milli.Az