Türkiyənin məşhur Süleymaniyyə məscidində gedən restavrasiya işləri zamanı giriş qapılarından birinin üstündə yanlışlığa yol verildiyi üzə çıxıb.
Milli.Az Kult.az-a istinadən xəbər verir ki, qapının üstündəki lövhələrdə "Sad" surəsinin 49 və 50-ci ayələrinin yeri daha əvvəl aparılan bərpa işləri zamanı dəyişik düşüb.
Belə ki, əslində, 50-ci ayə solda, 49-cu ayə sağda olmalıdır, lakin lövhələr yanlış yerləşdirilib.
Aidiyyəti qurumlar bu yanlışlığın düzəldilməsinin uzun proses olduğunu, ona görə də hələ ki belə qalacağını deyiblər.
Qeyd edək ki, Süleymaniyyə məscidi 1550-1557-ci illərdə Memar Sinan tərəfindən inşa edilib.
Milli.Az