"Xiaomi" şirkəti yeni kompüter aksesuarları dəstini təqdim edib.
Milli.Az ted.az-a istinadən bildirir ki, "MIIW Elite" seriyasına kompakt mexaniki klaviatur və iki interfeysi olan kompüter siçanı (maus) daxildir. Maus, həmçinin korpusun hündürlüyünü tənzimləmək imkanına malikdir.
85 dəyirmi düyməsi olan "MIIW Elite" klaviaturun qalınlığı 7,8 mm-dir. Klaviatur kompüterə "Bluetooth" və ya radiokanal vasitəsilə USB naqilsiz qoşulur.
Yenilikdə səsin mətnə çevrilməsi funksiyasını aktivləşdirən əlavə düymə var. Bu düymə proqramlaşdırılmış əmrləri yerinə yetirilməsi üçün də istifadə oluna bilər.
"MIIW Elite" naqilsiz siçan "Bluetooth" modulu və ya USB qəbuledicisi vasitəsilə kompüterə qoşulur. Model sürüşmə əleyhinə simmetrik dizayna malikdir.
Xatıqladaq ki, hər iki məhsulun qiyməti 42 dollardır. Yeni "MIIW Elite" seriyası fevralın 25-də, klaviaturun sadələşdirilmiş versiyası isə martin 11-də satışa çıxarılacaq.
Milli.Az