Muğanlı-İsmayıllı yolunda yol-nəqliyyat hadisəsi baş verib.
Milli.Az APA-ya istinadən xəbər verir ki, yolun Ağsu rayonundan keçən hissəsində 01-AB-295 dövlət nömrə nişanlı "Ford" markalı yük avtomobilinin əyləc sistemində nasazlıq yarandığı üçün sürücü idarəetməni itirib və maşın yoldan çıxaraq aşıb.
Nəticədə İsmayıllı sakini, 1992-ci il təvəllüdlü Məmmədov Mustafa Cavanşir oğlu və Mingəçevir sakini, 1987-ci il təvəllüdlü İbrahimov Ramil Eldar oğlu xəsarət alıb. Onlar təcili tibbi yardım stansiyasının avtomobili ilə Şamaxı rayon Mərkəzi Xəstəxanasına aparılıb.
Faktla bağlı araşdırma aparılır.
Milli.Az