"Yuventus"un futbolçusu Kriştianu Ronaldu "Udineze" ilə qarşılaşmadakı hərəkəti ilə gündəmə gəlib.
Milli.Az kaspi.az-a istinadən bildirir ki, "Yuventus"u "Udineze" ilə oyuna kapitan sarğısında Qonsalo İquain çıxarmışdı. O, qarşılaşmanın 80-ci dəqiqəsində əvəzlənib.
İquain meydanı tərk edərkən kapitan sarğısını Ronalduya verib. Amma portuqal futbolçu sarığını taxmaqdan imtina edib. O, sarığını qəbul edərək Blez Matyuidiyə verib.
Matyuidi "Yuve"də uzun müddətdir ki, çıxış edir. O, qarşılaşmadan sonra Ronalduya təşəkkür edib: "Kriştiano, məni bu şərəfə layiq gördüyün üçün sağ ol".
"Yuve" "Udineze"yə 3:1 hesabı ilə qalib gəlib, Ronaldo dubl edib.
Milli.Az