""Azərbaycan Dəmir Yolları" QSC sərnişinlərin istəklərini nəzərə alaraq İsveçrənin "Stadler Real Group" şirkətindən daha iki ədəd ikimərtəbəli elektrik qatar alıb".
Milli.Az Trend-ə istinadən xəbər verir ki, bunu qatarların təqdimetmə mərasimində QSC-nin Mətbuat katibliyi şöbəsinin rəisi Natəvan Bayramova deyib.
Qatarın biri Bakı-Sumqayıt istiqamətində, digəri isə Bakı-Pirşağı istiqamətində hərəkət edəcək.
Yeni qatarlar 371 oturacaqla təmin olunub. Onlardan 9-u birinci sinif, 62-si biznes, 300-ü isə standart yerlərdir.
Qeyd edilir ki, alınan qatarlar sayəsində İsveçrənin "Stadler Real Group" şirkətindən alınan bu tipli qatarların sayı 9-a çatıb.
Milli.Az