Qurğu 500 dollara yaxın qiymətə təklif olunur.
Bu yaxınlarda Oppo şirkəti məşhur Kidou Senshi Gundam franşizasının 40 illiyi şərəfinə buraxılan eksklüziv Oppo Reno Ace Gundam Edition smartfonunu təqdim edib.
Milli.Az ted.az-a istinadən bildirir ki, smartfon yaxın günlərə qədər əvvəlcədən sifariş üçün mövcud olub, lakin yalnız dünən satışa başlanıldı.
Oppo Reno Ace Gundam Edition 6,5 düymlük 2340x1080 piksel göstəricili 90 Hz yeniləmə tezliyi ilə çalışan AMOLED diaqonal ekranını alacaq. Həmçinin smartfon bir kristallı Snapdragon 855 Plus sistemini və 12 GB-dək operativ yaddaşa sahib olacaq.
Əsas kamerada 48, 13, 8 və 2 mp görüntü ötürücüləri quraşdırılıb. Batareya 4000 mAs tutumu ilə xarakterizə olunur, həmçinin smartfon superVOOC-in 65 Vatt şarjını dəstəkləyir.
Oppo Reno Ace Gundam Edition təxminən 500 dollar dəyərində təklif olunur.
Milli.Az