"Bayern" Almaniya Bundesliqasının 8-ci turunda "Auqsburq"la məhsuldar heç-heçəyə razılaşıb - 2:2.
Milli.Az goal.az-a istinadən xəbər verir ki, qarşılaşma Münhen təmsilçisinin futbolçusu Robert Levandovski üçün əlamətdar olub.
Belə ki, polşalı hücumçu Bundesliqada ardıcıl 8-ci turda da fərqlənməyi bacarıb. O, bununla da Dortmund "Borussia"sının sabiq futbolçusu Pyer-Emerik Obameyanqın rekorduna şərik olub.
Levandovski növbəti turda da qol vursa, qabonlu hücumçunun rekordunu yeniləyəcək.
Qeyd edək ki, "Bayern" 9-cu tur çərçivəsində öz meydanında "Yunion Berlin"i qəbul edəcək. Oyun oktyabrın 26-da keçiriləcək.
Milli.Az