La Liqanın 8-ci turunun "Sevilya" ilə oyununda qırmızı vərəqə alan "Barselona"nın futbolçusu Osman Dembelenin cəzası məlum olub.
Milli.Az komanda.az-a istinadən xəbər verir ki, fransız hücumçu iki oyunluq diskvalifikasiya olunub. Bu barədə İspaniya Futbol Federasiyasının rəsmi saytı məlumat yayıb.
"Sevilya" ilə oyunun 88-ci dəqiqəsində hakimi təhqir edən Dembele, birbaşa qırmızı vərəqə ilə meydandan qovulmuşdu.
Dembele "Barselona"nın "Eybar" və "Real"la qarşılaşacağı oyunlarda iştirak etməyəcək.
Milli.Az