ABŞ-ın Lankaster dairəsində (Cənubi Karolina ştatı) naməlum şəxslərin gecə klubunda odlu silahdan açdıqları atəş nəticəsində iki nəfər həlak olub.
Milli.Az AZƏRTAC-a istinadən bildirir ki, Fox News telekanalının yerli hakimiyyət orqanlarına istinadla yaydığı məlumata görə, hadisə Old Skool Sports Bar & Grill gecə klubunda baş verib. "İki nəfər həyatını itirib, daha çox sayda insan ciddi yara alıb", - deyə dairənin şerifi Barri Feil bildirib.
Telekanal qeyd edir ki, söhbət azı səkkiz yaralıdan gedir. Hələlik dəqiq rəqəmlər məlum deyil.
Yaralılar xəstəxanaya yerləşdirilib. Polis təhqiqata başlayıb, atəş açanlar axtarılır.
Milli.Az