2019-cu ilin avqustunda Türkiyə limanları vasitəsilə Azərbaycandan yük daşımalarının həcmi 30,1 min ton təşkil edib.
Milli.Az xəbər verir ki, bu barədə Trend-ə Türkiyə Nəqliyyat və İnfrastruktur Nazirliyindən bildiriblər.
Məlumata əsasən, həmin müddət ərzində Azərbaycandan yüklər digər ölkələrin bayraqları altında üzən gəmilər vasitəsilə daşınıb.
Ötən ay Türkiyə limanlarına 4 601 gəmi daxil olub, onlardan 1 978-i Türkiyə bayrağı altında, 2 623-ü digər ölkələrin bayraqları altında daxil olub.
Gəmilərin ümumi brutto-registr tonnajı 58 316 380 ton təşkil edib.
Bu ilin yanvar-avqust aylarında Türkiyə limanlarına 35 716 gəmi daxil olub ki, onların brutto-registr tonnajı 516 701 650 ton təşkil edib.
Milli.Az