Suriyanın şimalında Türkiyə ilə sərhəddə yerləşən Çobanbəy şəhərində terror aktı törədilib.
Milli.Az Trend-ə istinadən bildirir ki, yerli xəstəxananın binası yaxınlığında partlayıcı maddələrlə doldurulmuş avtomobil partladılıb.
Partlayış nəticəsində azı 12 nəfər həlak olub, çox sayda insan xəsarət alıb. Hazırda hadisə yerində axtarış-xilasetmə əməliyyatları aparılır.
Bildirilir ki, ölənlərin və yaralananların sayı arta bilər.
Partlayışın kimin tərəfindən törədildiyi barədə məlumat verilmir.
Milli.Az