Tanınmış müğənni səhnəyə sərxoş çıxdı - Həmkarları onu dəstəklədi - VİDEO

11 Sentyabr 2019 10:26

"Leninqrad" qrupunun lideri Sergey Şnurov sərxoş halda səhnəyə çıxan müğənni Dima Bilanın Samaradakı çıxışından danışıb.

Milli.Az ölkə.az-a istinadən bildirir ki, musiqiçi Bilanı konsert zamanı davranışından narahat olmamağa çağırıb. O, bu barədə "İnstagram" səhifəsində yazıb.

O bildirib ki, tədbirin ziyarətçilərinin şəhər gününün şərəfinə artistə sərxoş halda tamaşa etmək də bəxtləri gətirib.

Şnurov qeyd edib ki, konsert sakit keçsəydi, onun haqqında heç nə yazmazdılar.

"Bəli, Dima, sən artıq topdasan - bu yaxşıdır", - "Leninqrad" rəhbəri vurğulayıb.

Bundan əlavə, şou-biznesin digər nümayəndələri də onu dəstəkləyiblər.

Bundan əvvəl isə Bilan çıxışını sərxoş vəziyyətdə keçirdiyini etiraf edib. Artistin sözlərinə görə, konsertdən əvvəl o, qrim otağında dostları ilə görüşüb və onlarla konyak içib.

Müğənni qeyd edib ki, sağlam həyat tərzi keçirdiyindən və alkoqol qəbul etmədiyindən, o, normasını hesablamayıb. Bilan konsertin ziyarətçilərindən üzr istəyib və şəhərə pulsuz şou ilə dönməyi vəd edib. Bundan əlavə, o, Samara sakinlərinə bir neçə bahalı hədiyyə təqdim edib.

Müğənnini Filip Kirkorov, Yana Rudkovskaya və onun pərəstişkarlarının əksəriyyəti dəstəkləyib.

Lakin onu tənqid edənlər də olub. 500-dən çox adam artistdən ictimai üzr istəməsi tələbi ilə ərizə imzalayıb.

"O, özünü qeyri-adekvat aparıb, səsi fonoqram ilə üst-üstə düşməyib, vokal əvəzinə qəribə səslər çıxarıb, ədəbsiz jestlər göstərib. Adamın alkoqolun və ya narkotik vasitələrin təsiri altında olduğu aydın hiss olunurdu", - müraciətdə deyilib.

Milli.Az