"Real Madrid"in hücumçusu Qaret Beyl futbol üzrə İspaniya Primerosunun III turunda Villarreal ilə səfər matçında dubl (2:2) edib.
Milli.Az goal.az-a istinadən xəbər verir ki,30 yaşlı valliyalı üçün bu qollar "kral klubu"nun heyətində 103 və 104-cü olub.
Forvard bu göstəriciyə görə məşhur braziliyalı Ronaldoya çatıb və indi klubun legionerlər arasında ən yaxşı bombardirləri siyahısında 7-ci yeri bölüşür.
Beyl 2013-cü ildən "Real"ın şərəfini qoruyur. Onun komanda ilə müqaviləsi 30 iyun 2022-ci ilə qədər nəzərdə tutulub.
"Real" tarixində ən yaxşı legioner bombardirlər
1. Kriştianu Ronaldu - 450 qol
2. Alfredo Di Stefano - 308
3.Ferents Puşkaş - 241
4. Kərim Benzema - 224
5. Uqo Sançes - 208
6. Qonsalo İquain - 121
7. Ronaldo, Qaret Beyl - 104.
Milli.Az