Polşanın paytaxtı Varşava ekoloji böhranla üzləşib.
Milli.Az Trend-ə istinadən xəbər verir ki, məişət və çirkab sularını təmizləyici sistemə axıdan kollektorların sıradan çıxması səbəbindən tullantılar Visla şəhərinə axıb.
Meriyanın bildirdiyinə görə, saniyədə 3 min litr çirkab su Polşanın əsas su yoluna daxil olur. Ətraf Mühitin Mühafizəsi Müfəttişliyinin hesablamalarına görə, artıq çayda 50 min kubmetr tullantı axını qeydə alınıb. Şəhərdə mütəxəssislər, təmir qrupları, yanğınsöndürənlər və hökumət rəsmilərinin daxil olduğu böhran qərargahı təcili qaydada işə başlayıb.
Bələdiyyə sədri Rafal Çaskovski mətbuat konfransında şəhər əhalisini kollektorların qırılmasının nəticələrinin Varşava kranlarından axan suyun keyfiyyətinə təsir etmədiyinə inandırıb.
Problem Vistulanın çirklənmiş sularının qısa müddətdə aşağıda yerləşən digər Polşa şəhərlərinə çatmasıdır. Xüsusilə, Plokdakı suyun təmizliyi təhlükə altındadır. Rayonun sanitar-epidemioloji xidmətləri içməli suyun vəziyyətini intensiv yoxlamağa başlayıb.
Polşanın Ətraf Mühitin Mühafizəsi naziri Henrik Kovalçik isə təşkil etdiyi mətbuat konfransında bu hadisəni "ekoloji fəlakət" adlandırıb.
Milli.Az