Azərbaycanda BOKT-ların sayı artıb

27 Avqust 2019 18:07

Maliyyə Bazarlarına Nəzarət Palatası iki bank olmayan kredit təşkilatına (BOKT) - "MJ Financial Services" və "Acet Financial Technologies" şirkətlərinə lisenziya verib.

Milli.Az Trend-ə istinadən xəbər verir ki, təşkilatların nizamnamə kapitalının hər biri 300 min manatdır.

"MJ Financial Services" şirkətinə Mədət Rüstəmov, "Acet Financial Technologies" şirkətinə Xosrov Axundov rəhbərlik edir.

Beləliklə, Azərbaycanda BOKT-ların sayı 45-ə çatıb.

Qeyd edək ki, "MJ Financial Services" vergi orqanlarında bu il aprelin 15-də, "Acet Financial Technologies" isə 10 yanvar 2017-ci ildə qeydiyyata alınıb.

Milli.Az