İngiltərənin "Arsenal" futbol klubunun müdafiəçisi Naço Monreal İspaniyanın "Real Sosyedad" klubuna keçməyə yaxındır.
Trend-in "Gazeta.ru"ya istinadən verdiyi məlumata görə, 33 yaşlı müdafiəçinin nümayəndələri artıq İspaniya klubu ilə danışıqlar aparırlar.
Bildirilir ki, futbolçunun "Real Sosyedad" ilə müqaviləsi 2 il müddətinə nəzərdə tutulacaq.
Qeyd edək ki, N.Monreal 2013-cü ildən "Arsenal"da çıxış edir. Futbolçu 3 dəfə İngiltərə Kubokunu və 3 dəfə İngiltərə Superkubokunu qazanıb. Ümümulikdə komandanın heyətində 251 oyun keçirən N.Monreal 10 qol və 20 qol ilə nəticələnən ötürmə ilə yadda qalıb.
Milli.Az