"Qarabağ" bu gün Çempionlar Liqaının 2-ci təsnifat mərhələsində ilk oyununu keçirəcək.
Milli.Az qol.az-a istinadən xəbər verir ki, Ağdam klubu Dublində "Dundalk"ın qonağı olacaq. İrlandiya çempionu ilə görüş Bakı vaxtı ilə 22:45-də başlayacaq.
1-ci təsnifat mərhələsində Albaniyanın "Partizani" klubunu mübarizədən kənarlaşdıran Qurban Qurbanovun komandası bu rəqibi də keçmək niyyətindədir. Bunun üçün "Qarabağ" səfərdən sərfəli nəticə ilə qayıtmağa çalışacaq.
Qeyd edək ki, komandalar arasında cavab oyunu 1 həftə sonra Bakıda keçiriləcək.
Çempionlar Liqası, 2-ci təsnifat mərhələsi, ilk oyunlar
24 iyul
22:45. "Dundalk" (İrlandiya) - "Qarabağ" (Azərbaycan)
Baş hakim: Bartos Frankovski (Polşa)
Dublin, "Oriel Park" stadionu
Milli.Az