Rusiya ərəblər üçün halal qida istehsal edəcək - FOTO

10 İyul 2019 07:07

Payızda Birləşmiş Ərəb Əmirliklərindən Beynəlxalq Kosmik Stansiyaya gedəcək astronavtlar üçün milli ərəb yeməkləri istehsal ediləcək.

Milli.Az xəbər verir ki, bu öhdəliyi Rusiya Kosmik Qida Labaratoriyası öz üzərinə götürüb.

Rus elm adamları ərəb astronavtlar üçün halal konservləşdirilmiş qida istehsal edəcək. Qidalar arasında dəniz məhsulları da olacaq.

Yeməklərin avqust ayında hazırlanması planlaşdırılır.

Qeyd edək ki, Rusiya və BƏƏ 2018-ci ilin yayında astronavtların ilk dəfə BKS-ə getməsi məsələsində razılığa gəlmişdi. Hazza Mənsuri və Sultan Niyadi adlı namizədlər Moskvada təlimlərə başlamışdı. (publika.az)

Milli.Az