Ermənistanın dövlət borcu 6,9 milyardı keçdi

5 İyun 2019 18:14

2018-ci ilin sonunda Ermənistanın dövlət borcu 6,923 milyard dollara çatıb.

Milli.Az Axar.az-a istinadən xəbər verir ki, bunu parlamentdə büdcə dinləmələri zamanı Ermənistan Maliyyə naziri Atom Cancuqazyan deyib. Onun sözlərinə görə, ümumi dövlət borcunun 6,373 milyard dolları faktiki olaraq hökumətin, 550 milyon dolları Mərkəzi Bankın payına düşüb. Hökumətin borcunun 1,39 milyard dolları daxildən alınan borc olub. Dövlət borcunun ümumdaxili məhsula nisbəti dəyişib. Belə ki, Ermənistanın dövlət borcu ümumdaxili məhsulun 51,4%-ni təşkil edib.

Cancuqazyan məhz bu göstəriciyə əsaslanaraq Ermənistanın borc yükünün az olduğunu söyləyib.

Milli.Az